KHR Nuh g. 1879 a. a. 20 Meurzh 1966

Ur pennad tennet eus Rodovid BR, ar c'helc'hgeriadur digor.

Lignez	Wiratanudatar
Reizh	gourel
Anv a-bezh d'ar c'hanedigezh	KHR Nuh
Kerent ♂ RH Idris [Wiratanudatar]

Darvoudoù

1879 ganedigezh:

30 Mezheven 1905 bugel: ♂ KHR Abdullah bin Nuh [Wiratanudatar] g. 30 Mezheven 1905

20 Meurzh 1966 marvidigezh: Cianjur

Notennoù

Catatan Admin : Endang Suhendar alias Idang

Bismillaahirrahmaanirrahiim,

Riwayat Jumenengna : R.H.MUHAMMAD NUH Bin R.H. IDRIS (Kaum, Cianjur)

R.H.Muh Nuh dilahirkeun di Kaum, Kota Cianjur, kalebet ulama jumhur sa-jawa barat; parantos mulih ka Rahmatul1ah di-Cianjur, dina wengi Senen jam 19.30 WIB, 28 Hapit 1385/20 Maret 1966. waktu aya lini gede di Cianjur anjeunna murangkalih keneh, nembe nangkuban yuswana 7 sasih.

Didikan sareng Pangajaran Anjeuna

Dina waktu jumeneungna ngawitan nyandak pangajaran ti pasantren2 anu maraju di Cianjur, nyata Pasantren Gayam jeung Bunikasih, anjeuna ngaos Qur'an sareng Fardu A'in di Baing HoliL di Kampung Sayang Heulang, Kota Cianjur. Anjeuna saterasna masantren di Gudang, Tasikmalaya. Samemeh Ajengan Gudang H. Suja'i pupus, anjeunna kungsi angkat ka Gudang (Tasikmalaya), nepangan Guru Anjeuna.

Waktos angkat ka Mekah, anjeunna neraskeun aosanana di Juragan Guru Muchtar (Muhammad Mukhtar bin Atharid al-Bughuri) anu ramana ti Bogor (Rd. Aria Natanagara (Dalem Rd. Moh. Tobri Bogor), ari ibuna teureuh Cianjur, masih keneh wargi R.H. Muh Nuh. Lamina mukim di Mekkah 5 taun. Saur guru R.H. Muchtar, "Noh, anjeun mah ngaji teh geus bae di Ama, lantaran bisi matak riweuh".

Samulihna ti Mekkah, anjeunna ngawuruk ngaos, bari nyeueurkeun motola'ah kitab-kitab; anu diaos teh lain kitab-kitab agama bae, tapi kitab-kitab sareng buku-buku anu patali sareng elmu panemu umum deuih, seperti : elmu bumi, elmu alam, elmu falaq, majalah basa Arab Jst. Kantos anjeunna ngaos di Sykh Ali Madani, babakuna tina bab elmu Tarekat Tijaniyah. Santri anjeunna anu kadeuheus nyaeta Ajengan Haji Abdurrahman Al-Marhum Purwakarta, kalbet santri anu tiasa nuturkeun lacak anjunna.

Cepengan sareng Pamadeganana

Anjeunna hafal Qur'an, wiridan anu salamina diamalkeun ngaos Qur'an. Cepengan sareng pamadeganana tina perkara torekat, kalintang saena, ngan susah diamalkeunana, malah sok aya nu nyeleweng, lantaran nampana (atawa ngalampahkunana) henteu tamat. Kira-kira sataun deui ka pupus, anjeunna maparin dua Kitab ka putrana (KHR Abdullah bin Nuh), nu kahiji Kitab Tarekat, asal-usulna aulia, nu hiji deui Al-Ibris, alam pawalian, sarta naon anu matak heneng tina eta kitab ku anjeunna diterangkeun. Dina urusan masalah furu', seperti talafuz-binniat, talqiea, jst. kapungkur anjunna sok munadsarah, naha ku lisan atawa ku tulisan (karangan-karangan), tapi kadieunakeun rupina ngaraos kuraag penting ngadegkeun munadsarah urusan furui'. Kana urusan kanagaraan (politik) anjeunna ngabanduagan sering anjeunna naroskeun ka nu ziarah ka anjeuuna oge tina urusan Gestapu PKI. jst.

Nasabna

Ari nasabna (katurunanana), R.H. Muh Nuh putra R.H. Idris, putra R.H. Munji, anu pupus katinggang tihang masjid, nuju orad ba'da Ashar. Masjid Jami Kota Cianjur runtuh kulantaran lini gede tea. R.H. Husen, anu katelah ajengan Ciajag oge kapi eyang anjeunna.

Padamelan sareng Amal-Amalna

Sajaba tinu kasebut bieu, anjeunna sok ngawuruk ngaos di Madrasah Kaum saban minggu, di Pabuaran, di Masjid R.H. Saleh saban Kemis. Anjeunna jadi Majlis Konstituante, samemeh anjeunna nampi kaanggotaan, anjeunna kungsi angkat heula ka K.H. Abdulhalim Majalengka, saja musyawarah ieu perkara. Anjeunna nu ngadegkeun Jum'ah I'anah, kagungan cita-cita ngadamel paguron jeung tempat pndidikan ka-islaman, kalayan dorongan kapi eyangna R.H. Tolhah Al-Holidi. Ngadegna I'anah dina taun 1912, nepi ka ayeuna leuwih ti setengah abad. Jaba ti eta anjeunna ngiring ngadegkeun Madrasah Mu'awanah sareng syd Abdulkadir Al-Jufri.

Kitab-kitab anu diwurukkeun, nyaeta : Tafsir Jalalin, Ihya Ulumuddin, Sabilal Muhtadin, sareng Bughiyatul-Nusytarsyidin. Sareng sok ngadamel pamandangan-pamandangan kenging nukil rupa-rupa kitab, nyaeta anu dikumpulkeun ku anu nulis, anu mangrupa ieu buku... "LENYEPANEUN". Ari ngaosna tafsir sakaemut nu nulis, saparantos puluhan taun, malah saurna teh "Tafsir Jalalain" teh ringkes, sagala aya, aya Nahuna, aya Balagahna, jst. Anjeunna kungsi jadi Advisor (Juru Nasehat) Syarikat Islam (SI), anu disesepuhan ku Almarhum HOS Tjokroaminoto, malah dina nalika aya kajadian "SI Afdeeling B", anjeunna kenging tekanan berat ti pamarentah jajahan hindia walanda.

Dikutif/Diketik ulang tina buku "LENYEPANEUN", YAYASAN PERGURUAN ISLAM I'ANAH CIANJUR (20-10-1983)

Eus an dud-kozh d'ar vugale-vihan